Horrez gainera, legearen (gehienezko tasa, gidabaimenaren puntuak...), alkoholaren, eta, bereziki, pisuaren eta sexuaren arabera, alkohol-gramoak desagertzeko epeen ganeko informazioa eskainiko dute. Proba egiten dutenei Eusko Jaurlaritzak alkoholemia neurriekin prestaturiko erregelatxoa emango zaie. Izan ere, prebentzioaren eredua eta arriskuen eta kalteen murrizpena uztartu nahi dituzte. Honen harira, Koldo Iturbe Kultura zinegotziak bere aldetik, mezu hirukoitza zabaldu du jaiei begira. “Batetik, jendeak garraio publikoa erabil dezala; bestetik, tabernariei eta txosnetako zerbitzariei adin gabekoei alkoholik ez saltzea gogoratu; eta kanpainako kartel eta eranskinak ikusteko moduan ipintzea”, adierazi du.
Adingabekoak
Kanpainaren helburu nagusia da adingabekoen artean alkoholaren kontsumoa prebenitzea. Elena Coria Gizarte Zerbitzuetako zinegotziak aditzera eman duenez “tabernetan eta jai-esparruetan, txosnetan, kontzertuetan eta antzekoetan alkohola saltzen edo hornitzen duten herritarren erantzunkizuna piztu nahi dugu.Adingabekoei alkoholik saltzen ez dieten pertsonei babesa eman, eta saltzen dietenei ez dutela egin behar gogorarazi nahi diegu”.
Kanpainaren oinarria kartel informatiboak dira, modu estrategikoan ipinitakoak, aipatutako lekuetan ezezik dendetan ere egongo direlarik ere. Kanpainaren leloa idatzita daramaten eranskinak ere banatuko dituzte tabernari eta zerbitzarien artean, aldean eraman ditzaten denok ikusteko moduan.
Getxoko Udalak karpa ipiniko du gaur, hilak 10, Algortako Portu Zaharreko jai esparruan, alkoholemiako prebentzio-probak egiteko, nahi duten pertsona heldu guztiei. Ekimena Eusko Jaurlaritzak sustatutakoa da tokiko erakundearen babesarekin, helduen artean alkoholaren erabilera arduratsua bultzatzeko neurri da, eta “Alkoholik adin gabekoei? Tantarik ez” lelopean egiten ari den kanpainaren barruan dago. Kanpaina hau San Inazioko jaietan hasi zen eta irailean amaituko da Folk Jaialdiarekin batera. Karpa erraz ikusten eta iristen den leku batean ipiniko dute guaerditik, 00:00etatik goizaldeko 3:30ak arte, jai-esparruaren barruan. Nahi duenak joan ahal izango du une horretan daukan alkoholemia-maila jakin gura badu. Ezinbesteko baldintza da adinez nagusi izatea. Proba egin aurretik datu batzuk hartuko dituzte –hala nola, adina, sexua, erre duen, gero gidatuko duen, eta azken 2 edo 3 orduetan edan duen (zer eta zenbat)-, probaren emaitzarekin batera, ondoren txostenak osatzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun