Era berean, pantaila batean “Euskaraz Bizi Getxo” bideoklipa jarriko dute, hiri-udalekuetan parte hartu duten ume guztiekin grabatua. Material honekin batera, orain arte argitaratu diren beste material batzuk ere erakutsiko dira, besteak beste 2006an egindako laburmetraia dokumentalaren DVDa, "Miradas sin excusas" izenekoa, Getxoko Udalak eta Inmigrazio Zuzendaritzak sustatua.
Beste alde batetik, Kaixogetxo.net txokoan bisitariek getxo.net web gunea ezagutzeko aukera izango dute, hau da, bizilagun guztientzako baliabideen gida, “beste herri eta kultura batzuetatik datozen pertsonen ekarpenari esker hazten eta eraldatzen ari den udalerri baten ikuspegitik egina”, Elena Coriak, nabarmendu duenez.
Aisa ikastaroak
Amaitzeko, aurreko urtetan izan den moduan, bi begiralek bizikleta orga-mugikorra gidatuko dute jaialdiaren esparruan zehar, atzerriko etorkinei euskara irakasteko AISA programari buruzko zein Kultur-Arteko Guneari buruzko informazioa banatuz. Aisa oinarrizko euskara ezagutzeko 60 orduko ikastaroa da, atzerritarrentzat propio egina. Bertan matrikula egiteko, irailaren 25era arte dago epemuga udalerriko euskaltegietan, 10 euroren truke. Bi orduko saio bi izaten dira astero, urria eta otsaila artean. Koldo Iturbe Kultura eta Euskara zinegotziak, hain zuzen, programa horren garrantzia goratu nahi izan du, bereziki, gaurko aurkezpenean. Bestalde, Getxoko Udalak emandako datuen arabera, joan den urtean, guztira, 50.000 pertsonak bisitatu zuten Kulturen Arteko Gunea.
Bapiruke eta Bapikasiren umeen argazki eta bideoak izango dira ikusgai Areetan larunbatera arte
Gaur hasita eta datorren larunbatera arte, hilak 8, “Guztion Getxo” lelopean, Areetako Xake plazan hainbat erakusketa, bideo-emanaldi eta ekimen izango dira, tartean Bapiruke euskarazko aisi taldeetako eta Bapikasi euskarara hurbiltzeko taldearen umeen erretratuak batzen dituena. Izan ere, Getxoko Udaleko Euskara eta Inmigrazio zerbitzuek hirugarren urtez elkarrekin antolatutako Kulturen Arteko Gunearen agertoki bihurtuko da plaza hori. Ekimena Getxo Folk jaialdiaren barruan antolatuta dago, eta gaur goizean aurkeztu dute, prentsaurrekoan. 75 metro koadroko gune txikia izango bada ere, karpa hori "kultur anitzeko topagune" bihurtzeko asmoa azaldu dute Koldo Iturbe Kultura eta Euskara zinegotzia eta Elena Coria Gizarte Zerbitzuez arduratzen den hautetsiak. Horrela, folk jaialdiak irauten duen bitartean, bertan hainbat ekimen eta ekitaldi egingo da. Hain zuzen ere, aurtengo berritasunen artean "Kaixo, Getxo" izeneko erakusketa dago. Horretan, Bapiruke eta Bapikasi izenpeko hiri-udalekuetan parte hartu duten umeek eginiko ekitaldi ezberdinen hainbat irudi eta horma-irudi ikusi ahal izango dira. Argazkian, neskato bat Bizarra Lepoan eta beste talde batzuek antolaturiko aurtengo San Juan gauean, Algortan / Egizu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun