Nekazaria, arrantzalea eta langilea hartu ala utzi dilemaren aurrean menperatu, eta erosleari birritan pentsatzeko prezioan saldu. Gauzak leku batetik bestera eroate hutsarekin aberasten dira kaparrak egun, edo telefono dei batzuk eginda, bestela. Paradigmatikoak dira, lehen sektorean, Beyenak baserritarrei ezarri zizkien baldintza mafiosoak, ordainketarik eza eta bulegoetako sute susmagarria. Zeintzuk bertoko esne produkzioarekin amaitu zuten.
Txistu eta danbolindun eskumaren txosten batean irakurri berri dut, kulturari dagokionez, apustu nagusia enpresa kudeatzaileak, bitartekariak, sortzea dela. Urteak dira gure sektorean bitartekarien perretxikolango ugaltzea nabaritu dugula. Sortzaileari lagundu beharrean, ekonomikoki lotuko duten eta lan egiteko aukeraren leihoa erregulatuko dioten mamarro xurgatzaileak sortuko dituzte.
Hartu-eman zuzena da duintasunaren eta askatasunaren gakoa.
Fredi Payak gaur "Berria"n argitaratutako artikulua
Herenegun EHNEk eta ELBk salatzen zuten errealitate bera deskribatzen zuen orain hogeita hamar urte Pi de la Serra abeslari kataluniarrak, "Si els fills de puta volessin no veuriem mai el sol" kantaren bidez. Baserririk baserriko nire grabazio lanetan lapur hitzaren sinonimoak, madarikazioak eta mahai gaineko ukabilkadak batzeko metodo ezin hobea da nekazariei bitartekariengatik itauntzea. Arin konturatu zen baten bat, gure ingurua gauzez bete eta gure barrua edukiz husten duen sistema honetan, negozioa salerostean zetzala, ez lan egitean. Ondasunen elkartrukearen joan-etorrien mekanismoan kate-maila berriak sortuz, beharginen lepotik bizitzeko aukera sortu zen. Gainera, ekoizletik eroslearen arteko posizio estrategikoan zeuden bitartekarien monopolioen bidez, merke erosten eta garesti saltzen ikasi zuten. Argazkia: Koska irratia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun