II. Itxartu Egunaren egitaraua:
Irailak 8, larunbata:
- 11:30ean, pilota txapelketa.
- 11:30ean, umeen jolasak.
- 12:00etan, txistorrada.
- 13:00etan, kalejira eta triki-poteoa.
- 15:00etan, paellada herrikoia.
- 16:30ean, bazkalostekoa: abestiak, antzerkia, dantzak eta jolasak.
- 19:30ean, sardinada eta, ondoren, erromeria.
Jarduera guztiak burutzeko, herri bazkaria barne, txartelak salgai daude. Umeenak 7 eurotan eskura daitezke eta helduenak 15 eurotan.
Itxartu Egunaren bigarren ediziorako antolatutako hamaika ekimen eta ikuskizunek hartuko dute bihar, larunbata, Algortako batzokiko patioa. Dantza taldea sortu zenetik, 1976an, Itxartuk hainbat esparrutara zabaldu da, mendi taldea, abesbatza, antzerki taldea eta musika eskola eratuz. Era berean, esparru horietan egindako lanez gain, Algortako hiri krosa, Bizkaiko trikitixa lehiaketak edota, beste talde askorekin batera, Olentzero, San Juan eta herriko jaiak antolatu ohi ditu urtez urte. Dena den, iaz arte, 30. urteurreneko aitzakiapean, taldeak ez zuen propio hartu egun bat darabiltzaten lana jendaurrean erakusteko. Baina, ehunaka pertsona batu zituztela emaitza gogoz hartu zuten eta aurten berriro antolatzeari ekin diote. Egun osoko jaia izango da goizeko 11:30etik aurrera, kirolaz, umeen jolasez, zintzar bustitzeaz, folklorez eta jaki onez betea. Argazkian, Itxartuko hainbat kide, Zuberoako maskarada dantzatzen uztailean egindako Getxoko Nazioarteko Folklore Jaialdian / Iñaki Ozamiz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun