Manex Zubiaga Algortako preso politikoa etzi, asteazkena, behin-behinean eramango dute Espainiara, Madrilen epaiketa batean agertzeko. Horrela jakinarazi du Uribe Kostako Amnistiaren Aldeko Mugimenduak Etengabe bitakoraren bidez Zubiagaren senideek emandako informazioan oinarrituz. espainiaratzeko bidean, Chateauroux espetxetik Fresnesera eraman dute Zubiaga, mugimendu horren bidez senideei bisita gabe utzi eta bidaia alferrik eginarazi diete, Manexen leku aldaketaz aurretik ez baitzieten esan eta Chateaurouxen bertan jakinarazi zieten Zubiaga dagoeneko ez zegoela bertan. Algortarra Lexuri Gallastegirekin batera epaituko dute Madrilen. Berangoztarra abuztuaren 9an espainiaratu zuten kargako hegazkin militar batez eta ondoren Soto del real espetxera eraman zuten. Bertan isolamendu moduluan bakartuta dago. Bestalde, pasa den ostegunean, irailaren 6an, Urtzi Muruetak bete zuen Estatu frantsesean zeukan zigorra baina kaleratu beharrean onartua duen estradizioa exekutatu zain geratu da preso prebentibo egoeran.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun