Era berean, emakume gazteentzako eta emakume etorkinentzako ikastaro berezituak ere jarriko dituzte martxan. Ikastaroen ardatzak Jabekuntza Eskolarenak berarenak izango dira: besteak beste, hezkuntza, trukea eta munduko beste emakumeekin elkartasuna.
Ikastaro arrakastatsuak
Parte hartzaileen artean izandako arrakasta dela eta, aurten honako bi ikastaro hauek egingo dira berriro: “Jende aurrean hitz egiteko teknikak” eta “Nitasun femeninoa”. Beste batzuk, berriz, berriak eta berezituak izango dira, tartean “Topaketa kontatuz”, Idoia Eizmendi Getxoko Udaleko Berdintasuneko teknikariak azaldu duenaren arabera, kultur arteko espazioa egungo literaturaren bitartez herbeste, bidaia, migrazio edo egokitze prozesuen esperientziak ezagutzekoa.
Argibide gehiago lortu nahi duten pertsonek Getxoko Udaleko Aukera Berdintasuneko Arlora jo dezakete, 944 660 130 telefono zenbakiaren, eizmendi[abildua]getxo.net posta elektronikoaren edo www.getxo.net web gunearen bidez.
Bihartik aurrera, osteguna, izena eman ahal izango da Emakumeentzako Jabekuntza Eskolaren aurtengo ikasturtean. Emakumeen partaidetza soziala eta politikoa bultzatzea helburu duen egitasmo horretan elkarlanean aritzen dira Getxo, Ermua, Basauri eta Ondarroako udalak. Oraingoan, Getxo udalerrian 180 plaza eskainiko dituzte, iaz baino 36 gehiago, 12 ikastarotan banatuta, hau da iaz baino hiru ikastaro gehiagotan, eta ardatz nagusiak emakumeen nortasuna eta subjektibotasuna, komunikazioa, feminismoa eta elkartasuna eta trukea munduko emakumeekin izango dira. Ikastaroak Algortako eta Itzubaltzeta / Romoko kultur aretoetan, Aldai Patronatuan eta Fadura institutuan izango dira. Berritasun bezala, Jabekuntza Eskolak haurtzaindegi zerbitzua antolatuko du, “emakumeek hezkuntza eta familia batera ahal ditzaten", Keltse Eiguren Getxoko Udaleko Aukera Berdintasuneko zinegotziak prentsaurrekoan adierazi duenez. Argazkian, jabekuntza eskolaren hastapenak 2004an, Algortako Urgull kaleko antzinako kultur aretoan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun