Imaz ez da lehiatuko EAJren buruzagitzagatik eta politika utziko duela iragarri du

Josu Jon Imaz EAJren egungo EBBren presidenteak hainbat hedabidetara bidalitako erdarazko gutuna eta, beranduago, horren itzulpena euskaraz direla medio iragarri du ez dela EBBrako barne hauteskundeetan presidentziarako berriz aurkeztuko. Horretarako arrazoia, Euzko Alderdi Jeltzalearen barneko batasuna bermatu nahi izatea dela dio dokumentuan, azken barne hauteskunde prozesutik hona alderdian sortutako tentsioak, zatiketak eta diskurtso desberdinak alderdirako zein euskal gizarterako kaltegarriak izan direlakoan. Gainera, politika utzi eta lan profesionalera itzuliko dela jakinarazi du Zumarragakoak. Hartutako erabakia alderdiak pasa den astelehenean "aho batez" adostutako txosten politikoa publiko egin ostean jakinarazi du behin behineko EBBren presidenteak. Dokumentuak Estatuarekin euskal auzia adosteko proposatzen badu ere, erabakitze eskubidea bultzatzearen alde egiten du, nahiz eta Madrilekiko akordioa lortu ez.