Manex Zubiaga Algortako preso politikoa herenegun, asteazkenean, eraman zuten Espainara sei hilabeterako, Xabier Abaunza eta Juan Ramon Karasatorrekin batera, Madrilen epaiketa batean agertzeko (Poliziak grabatutako bideoa sareratu du Etengabek). Herrian kontzentrazioa egin zen (argazkian), egun horretan bertan, Telletxen, "errepresioa salatu eta Manexen askatasuna aldarrikatzeko", Uribe Kostako Amnistiaren Aldeko Mugimenduak Etengabe bitakoraren bidez zabaldutakoaren arabera. Atzo goizean, berriz, Espainiako Auzitegi Nazionaleko epailearen aurretik pasatu zen Zubiaga. Orain Soto del Real espetxean dago, 7. moduloan. Algortarra Lexuri Gallastegirekin batera epaituko dute Madrilen. Berangoztar neska abuztuaren 9an espainiaratu zuten kargako hegazkin militar batez eta ondoren Soto del real espetxera eraman zuten. Bertan isolamendu moduluan bakartuta dago.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun