Maite Vicuña Euskal Naturista Elkartearen (ENE) presidentea pozik agertu da edizio honek herritarren artean jaso duen babesagatik baina eguraldiarekin banatu du meritua. ENEko kideez gain, udal ordezkariak ere izan dira, sari emanaldia egiteko. Josu Landaluze alkateordeak eta Naiara Ibarzabal zinegotziak garaikurrak, opariak eta Almerian eta Kanaria irletako zentro naturistetarako egonaldiak banatu dituzte.
Aipatzekoa da korrikalarien gehiengoa bertakoak izan badira ere Aragoi, Alemania, Frantzia, Italia eta Herrialde Katalanetatik etorri dira hainbat partaide, urrunena Txiletik etorritakoa. Guztiek bertakoak zein etorritakoak petoren ordez azal gainean markatu dute zegokien zenbakia.
Sopelako Patxi Ros saria lasterketa nudistak 136 korrikalari batu ditu Barinatxe hondartzan gaur goizean eginiko aurtengo edizioan, inoiz baino partaide gehiago Euskal Naturista Elkarteak (ENE) azpimarratu duenez. Sopelako Udalak jakinarazi duenez, lasterketan 45 lagun hartu dute parte gizonezkoen kategorian, 10 emakumezkoenean, 65 gizonezko nagusienean eta 16 adingabetuenean, horietatik gazteenak 6 urteko neskatila bilbotar bat izan dela. Lehiari dagokionez, denbora txikiena egin duena hirugarren urtez jarraian, Mikel Rodriguez 11 urteko erandioztarra izan da, 10'31" erabili dituena umeentzako jarritako 2.500 metroak egiteko. Ondoren, Fernando Suances leioztarra nagusitu da, 18'21" erabiliz bost kilometroak betetzeko. Helduen kategoria Juan Carlos Zamoranok hartu du bere gain, 19'09" erabiliz. Berriz, ENEko bazkide gizonezkoen saria Patxi Ros lasterketako sortzaileak irabazi du 20'08" eginez. Emakumezkoenen artean Mercedes Cura barakaldarra eta ENEko bazkideak irabazi ditu bi sariak 24'30" denborarekin.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun