Beranduago, Limako proiektuaz aparte, oihanean dagoen Moyuhuamba herriko indigenek beren bizi baldintzak hobetzeko abiatutako ekimenekin kooperatu dute eta hortik baliabideak lortu dituzte ume ikasleek egoitza bat izan dezaten horrela bigarren hezkuntza egin ahal izateko; arazoak dituzten nekazariek jatekoa eskura dezaten emakume indigenen taldeek kudeatutako 800 herri jantokiak hornitzen doaz.
Pepe Romo Perualderen sortzaileetarikoak hainbatetan azpimarratu duenez, "lankidetza bitarikoa, bi norabidetan". Izan ere, hasieratik argi izan zuten ez zutela "giza laguntza" eman nahi elkartasun harreman bat mantentzea baizik. Horrela proiektuak sortu eta kudeatu peruarrek egiten dute eta Perualdek ahal duen heinean baliabideak bideratzen ditu.
Denboraren poderioz, Perualde ez da gelditu soilik Perun eta Filipinetan eta Indian hasi da ere bertako ekimenak sustatzen. Era berean, inmigrazioaren fenomenoari erantzunez, topaketa eta harrera eremuak sortzen hasi ziren orain dela urte batzuk, bertakoak, peruarrak eta ertamerikarrak, errumaniarrak, ekialdeko europarrak edota filipinetarrak batuz, integrazio soziolaborala helburu.
Perualde Garapenerako Gobernuz Kanpoko Erakundeak bihar, igandea, ospatuko du bere hamargarren urteurrena. Goizeko 11:30etik aurrera, Itzubaltzeta / Romoko Santa Eugenia plaza musikaz bete eta txosnan pintxo eta edariak dastatzeko aukera izango da. Karpapean, berriz, umeentzako jolasak, infogunea eta liburu azoka izango dira, egun osoan zehar. Eguerdiko 12:30ean Tandi taldeak dantza ikuskizuna eskainiko du, arratsaldeko 6:30ean La Flor de la Canelak taldeak ere parte hartuko duela elkartasun elkartearen jaialdian, kontzertua eskainiz. Besteak beste, postrerik onena aukeratzeko lehiaketa ere izango da. Perualde 160 bat bazkide ditu egun eta GKE "txikia" izaten jarraitu nahi du. 1996an, Plentzia Hiriko urbanizazioan dagoen San Miguel elizako kide batzuek lan kontuak zirela eta Limako auzo txiroetan egoteko aukera izan zuten eta Euskal Herriratzean "guztiz ikututa" bueltatu zirela aitortu zuten. Hortik sortu zen ume langileekiko elkartasun proiektu bat bideratzeko ideia eta hor jaio zen Perualde. Argazkian, Pepe Romo Perualdeko sortzaileetariko bat ezkerrean eta herri-jantoki bat eskuman, elkarteak eta Getxoko Udalak egindako bideotik ateratako irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun