Tailerrean ezarritako lau alorrak lan egiteko (generoaren estereotipoak, ingurua zaintzea, irudi pertsonala, higienea eta osasuna, eta nutrizioa-elikadura-sukaldea) metodologia aktibo eta parte hartzailea erabiliko dute, begirale batek dinamizatutako saio praktikoekin.
15 plaza egongo dira eta izen-ematea Nagusien Etxean egin ahal izango dute interesatuek datorren irailaren 21a baino lehen, doan. Tailerraren iraupena 20 ordukoa izango da, bi orduko 10 saiotan banatuta eta Itzubaltzeta / Romoko Nagusien Etxean bertan egingo dute (Lope de Vega 12), astelehenetan 10etatik 12etara. Argibide gehiago 944 660 150 telefono zenbakian eska daiteke.
Norbera zaintzeko eta etxea antolatzeko irakatsiko diete 55 urtetik gorako gizonei
Itzubaltzeta / Romoko Nagusien Etxeak, 55 urtetik gorako gizonei norbera zaintzeko eta etxea antolatzeko II Tailerra eskainiko die datorren urriaren 1etik aurrera. Ekimena beren autonomia areagotzen eta beren bizi kalitatea hobetzen saiatuko da, oinarrizko lanak egiten ikastearen bidez, besteak beste, sukaldeari, garbiketari, elikadura, osasunari eta norberaren higieneari lotutakoak. Tailerra Udaleko Berdintasun Zerbitzuarekin elkarlanean egingo dute. Aurreko edizioan harrera ona eduki zuen tailerra antolatu zuten. Horren oinarria da bizitzaren egoeraren aldaketa ugarik gizonak etxeaz eta beren osasunaz arduratu behar izatea eragin dutela, ordura arte inguruko emakumeak arduratu baitziren horrelako kontuez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun