Jaon den larunbatean, irailak 15, hasi zen Barrikako Tenis Irekia, eta igande honetan bukatuko da finalekin. Txapelketan Bizkaiko, Gipuzkoako eta Santanderreko 60 jokalariek parte hartzen ari dira. Horrenbestez, faboritoen artean dira Josu Ortiz de Zarate, gizonezkoetan eta Leire eta Natalia Martinez, emakumezkoetan, antolatzaileek adierazi dutenez. Hala ere, ezin ahaztu Barrikako Tenis Klubeko etorkizuneko jokalariak: Leire Alberdi, besteak beste. “Taldeako onena da eta horrexegatik itxaropen guztiak jarri ditugu Leirerengan”, azaldu du Alberto Vidal klubeko entrenatzaileak. Iratxe Diaz jokalari bikaina ikusteko aukera ere badago lehiaketan, Euskal Autonomia Erkidegoko irabazlea izan ondoren, eskola kategorian, federatuetara egin du salto azken horrek. Argazkian, Barrikako Tenis Klubeko hainbat jokalari entrenatzen.
Gaztetxoen kategorian, Borja Perez “finalera heltzen saiatuko da, iaz egin zuen moduan”, esan du Vidalek. Azkenik, Cristian Gonzalezek ere jokatuko du. “Gazte honek 5 urte zituela hasi zuen entrenatzen eta orain etorkizun esperantzagarria dauka aurretik”, ziurtatu du entrenatzaileak. Astean zehar arratsaldeko 5etan hasiko dira partidak. Asteburuan, berriz, goizeko 10etatik gaueko 8etara bitartean izango dira. Vidalek Barrikako zein inguruko udalerrietako biztanleak gonbidatu ditu partiduak ikusi eta jokalariei animoak ematera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun