Uribe Kostako Mankomunitateak erabilitako pilak botatzeko 170 ontzi erosi ditu denda, ikastetxe, udaletxe eta kultur etxeetan jartzeko. Bilketa hilean behin egingo du Rezikletak eta, ondoren, bildutakoa Recypilas birziklapen-enpresara eramango dute. Pilen birziklapen kanpaina hau indartzeko etxean erabiltzeko 5.000 pila ontzi (argazkian) ere erosi dituzte, pertsona bakoitzak ontzi horretan pilak gorde eta, bete ostean, hurbilen daukan tokira eraman eta pilentzako ontzi orokorrera botatzeko. Etxean erabiltzeko ontziak Barrika, Sopela, Berango, Urduliz, Gorliz, Plentzia eta Lemoizko udaletxe eta kultur etxeetan daude eskuragarri. "Horrela, pilen birziklapena bultzatu nahi da, hauek hondakin arriskutsuak direlako, lurrean sortzen duten kutsaduragatik eta honekin batera ingurumenean daukaten eragin kaltegarriagatik", adierazi dute mankomunitateko arduradunek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun