72 etxebizitzak 6 ataritan daude banatuta eta eraikinetan behesolairu bana eta hiruna solairu daude. Eraikinetan hiruzpalau ate daude. 3 etxebizitza ezintasunak dituzten pertsonentzat izan dira. Pisuen azalera 62,66 metro koadro eta 74 metro koadroen arteko da eta metro koadro erabilgarri bakoitzaren prezioa 1.342,60 eurokoa da eta garaje eta trastelekuarena 430,91 eurokoa.
Etxebizitzen txostenak interesatuek datorren hilaren 17tik aurrera ikusi ahal izango dituzte Ondare Sailean. Udalak jabeei zein etxebizitza egokitu zaien jakinarazteko agiria bidaliko die eta 15 eguneko epea izango dute onartzeko edo ezetz esateko. Argibide gehiago eskatzeko Getxoko Udaleko Ondare Sailaren telefono zenbaki hauetara dei dezakete interesatuek: 944 660 044 eta 944 660 045.
Getxoko Udalak Areetako Santa Ana auzoan egin dituen babes ofizialeko 72 etxebizitzak bere jabeen artean banatzeko zozketa egin zuen pasa den ostegunean. Etxeen eraikitzea amaituta dago eta behar diren baimenen zain, Udalak 2008 urtearen hasieran giltzak eman ahal izatea espero du. Iazko abenduan zozketatu eta aurtengo abendurako agindu ziren etxebizitzek garajea eta trastelekua dituzte eta banatzeko irizpidea “familia bakoitzeko kide kopurua kontuan hartzea izan da”, zozketan Joseba Arregi Hirigintzako zinegotziak azaldu zuenez. “Udalak udalerrian dituen lurzoruen ezaugarriak aztertu ondoren, ezaugarri hauetako ekimenak martxan jartzeko asmoa dauka bizilagun getxotarrek etxebizitza edukitzeko dituzten arazoak konpontzen laguntzeko” gaineratu zuen Hirigintzako zinegotziak. Argazkian, BOEen eraikuntza lanen irudi bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun