Elena Coria Gizarte Zerbitzuetako zinegotziak esan duenez, “topaketa hauek languntza handia izaten dira kolektibo honentzat, migrazioaren eraginez askotan ondorio larriak jasaten dituztelako". "Emakume askok beren herrialdeetatik alde egiten dute eta kasu askotan familia ere uzten dute eta horrek depresioak, larritasuna eta errudun sentimenduak eragiten dizkie. Ikastaroak, ahal den neurrian, emakume horiei egoerarekin bizitzen laguntzen saiatzen dira eta jakin badakigu harrera ona edukitzen dutela”, gaineratu du.
Igaz 26 emakume.
Aurreko edizioan 26 emakumek hartu zuten parte, hain zuzen ere Kolonbiako zortzik, Bolibiako zazpik, Ekuadorreko lauk, Brasilgo hiruk, Argentinako bik eta Marrokoko bik. Gehienek etxetan edo ostalaritzan lan egiten zuten. Horietatik hamaikak oinarrizko ikasketak zituzten; zortzik maila ertaineko ikasketak eta zazpik goi mailako ikasketak. Emakumeen %57 bananduta zeuden, %31 ezkonduta eta %12 alargunak ziren.
Getxoko Udaleko Inmigrazio eta Berdintasun arloek, beste urte batez, udalerriko emakume etorkinei zuzendutako topaketak antolatu dituzte, urriaren 13tik ekainera bitartean. Gai anitz jorratuko dituzte, tartean estresari aurre egiteko estrategiak, kultur girora egokitzeko ahalmenak, arrisku harremanak prebenitzeko neurriak, jatorrizko eta gure herrietako hezkuntza ereduen bateragarritasuna, lana topatzeko bideak, astialdia eta sexualitatea. Jardunaldiak jendarte harremanak zabaldu eta norberaren ahalmenak hobetu nahi eta harrera-herrialdera egokitzeko zailtasunak dituzten emakumeei daude zuzenduta. Saioak bi larunbatetan behin izango dira, 10:30etik 13:00etara, Udal Gizarte Zerbitzuek Itzubaltzeta / Romoko Gobelaurre parkean duten egoitzan. Parte hartu nahi duten edo informazio gehiago jaso nahi duten emakumeak topaketak dinamizatzeaz arduratuko den Egintza elkartearekin jar daitezke harremanetan 650 017 949 (Silvia Peñas) telefono zenbakiaren bitartez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun