Erlaxazioa, informatika eta areto dantzak izango dituzte aukeran Berangoko nagusiek
Berangoko Udalak urrian emango die hasiera 60 urte gorakoei zuzendutako 2007-2008 ikasturteko jarduerei. Berrikuntzak berrikuntza, bi zerbitzu kendu egin dituzte igazko egitarauaren aldean: podologia eta ileapainketa, hain zuzen. Hala ere, ahal bada, ikasturtean zehar martxan jartzen ahaleginduko direla adierazi dute udal agintariek. Bestalde, lege-aholkularitza dohainik emango zaie nahi duten guztiei. Horretarako, ordua eskatu beharko zaio aldez aurretik Noelia Ruiz aholkulari eta abokatuari. Egitaraua osatzeko gimnasia (astearte eta ostegunero, 11:00etatik 12:00etara), areto dantzak (asteartero, 18:00etatik 19:30era), erlaxazio tailerra (asteazken eta ostiralero, 11:00etatik 12:00etara) eta informatika (astelehen, asteazken eta ostiraletan, 12:00etatik 13:30era) izango dituzte aiton-amonek. Horretaz gain, hitzaldiak -hurrengoa nutrizioari buruzkoa- ere egingo dituzte. Dagoeneko urriaren 19rako dantzak (19:00etatik 21:00etara) antolatu dituzte Nagusien Etxean, sarrera doan. Ikastaroetan izena eman nahi dutenek bertara jo beharko dute. Argazkian, aiton-amonek askaria egiten Berangoko Nagusien Etxean.
Berangoko Naguen Etxeko jardueren arduradun Elena Olague hirugarren adineko tektikaria eta Izaskun Zubiaur Kultura zinegotziarekin batera, aurketuko zituen, joan den astean, Ana Landa alkateak, aiton-amonei zuzendutako egitaraua. Arazo edo iradokizunik duen guztia udaletxera jotzera galdegin zuen tokiko agintariak, "egunero bainago bertan zuen eskura", gaineratu zuenez. Bestalde, jardueretan parte hartzeko nagusien elkarteko bazkide izan beharrik ez dagoela zehaztu zuen Landak, "berangoztarrei lehentasuna emango bazaie ere".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun