"Bilbao Metropolitarreko Lurralde Zati Planak (LZP) Getxo aldean 8.000 eta 7.000 etxebizitzen arteko kopurua eraikitzera behartzen du Udala", Marisa Arrue bozeramaile popularraren hitzetan. Imanol Landa alkateak, ordea, aipatu hitzak gezurtatu ditu. "Gobernu taldeak ez du ezta Marisa Arruek aipatzen duen 7.000 etxebizitzen gutxieneko kopurua egiteko asmorik", udal agintariak zehaztutakoaren arabera. Landak adierazpen horiek egin ditu gaur goizean, biharko udalbatzarrean, PPk eta PSE-EEk batera aurkeztuko duten mozioaren aurkako jarrera azaltzeko. Izan ere, bi alderdi horiek Udalari eskatuko diote LZPri desadostasuna agertzea eta Hirigintzako Antolaketarako Plangintza Orokorraren (HAPO) berrazterketa "inolako loturarik gabe" egitea. Argazkian, Getxoko udaletxea. Argazkian, Andra Mari auzo elkarteak deituta urtarrilaren 28an egin zen manifestazioa.
"LZPk diagnostikoa egiteko aukera ematen dio udal bakoitzari, udalerrian dagoen etxebizitzen beharra zehaz dezan eta hori da hain zuzen ere Getxoko Udalak HAPOren berrazterketaren bidez egin nahi duena", azaldu du Landak. Ildo horretan, Alderdi Popularrak "mezu faltsuak eta demagogikoak" zabaltzen jarraitzen duela gaineratu du alkateak, baita “PSE-EEk gai honetan aldaketa" bat eduki duela ere, "popularren jarrera erradikaletara hurbilduz, bere ideologiaren kontra gainera”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun