Izan ere, ez dut uste enpresabururik dagoenik bere beharginei jai egunetan lan egiterik ukatuko dienik. Eta modan ipiniz gero, opor egun bakoitzerako lanera joateko arrazoi ezin hobe bat aurkituko digute, gure izaera iraultzailea adieraz dezagun. Dela Zimbaweko sarraski hura, dela AEB inperialisten uztailaren laua, dela 1199ko Gasteizko setioa... Memoria kolektiboa berreskuratzeko eredu Lopez Arriortuatarregia litzateke.
Helburu nobledun borroka mota guztiak defendi nitzake, baina opor egun batean lanera joatea ez. Ez naiz horren abertzalea.
Fredi Payak gaur "Berria"n argitaratutako artikulua
Fredi Paya: "Lanegun gehiago"
2007ko ira. 28a, 21:41
Lanak txarra behar du, egiteagatik ordaintzen zigutek eta!». Izan ziren nire aititeren azken berbak. Urtean ehunka behargin hiltzen ditu Adam Smithen esku ikusezinak. Kubistak dira goizetan bulegorantz noanean aldameneko autoetan ikusten ditudan aurpegiak. Zoratzekoak produktiboa izatearen ondorioak eta depresiboak aldi baterakotasun iraunkorraren ubeldurak. Hotzikara batek zeharkatu ninduen lehengoan, bati irakurri nionean zein urtetako borroka latza egin duen hainbat jendek herri honetan, urriaren 12an lan egin ahal izateko. Gauza bat baita jaiegunik ez ospatzea eta beste oso ezberdina lanera joatea. Burgesegia omen egun hori gure herri izaera aldarrikatzeko manifestazioetan alferrik galtzea. Japoniar bati ulertuko nioke, baina txikiteoa asmatu zuen nazioko biztanle bati? Argazkia: Koska irratia.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun