Gainera, informazio-postalak banatuko dituzte. Horren alde batetik, hezur-haustura baten benetako erradiografia bat ageri da, ebakuntza egin ostekoa, "arauak errespetatu gabe kalea gurutzatzeak bizia apur diezazuke" mezuarekin. Beste aldetik, berriz, lau aholku jaso dituzte, oinezkoak ohartarazteko, eta honako mezua du: "Mesedez, ez engainatu zeure burua: ez zara autoak baino bizkarragoa".
Ekimena goizez (12:00-14:00) eta arratsaldez (16:00-18:00) gauzatuko dute semaforoa duten oinezkoentzako pasaguneetan, oinezkoen edo istripuen kopuru handia dutelako bereziki garrantzitsuak diren errepide-tarteetan. Eszena osatzeko, errotulatutako furgoneta bat erabiliko dute. Bizkaian, iaz sei pertsona hil ziren autoren batek harrapatuta, eta beste 83 zauri larriak jazo zituzten.
Gaur eta hilaren 17ra arte bitartean, Getxo udalerria, Leioa eta Erandiora eramango du Herrizaingo Sailak harrapatzeei aurrera hartzeko kanpaina. Kale-antzerkiaz baliatuz, semaforoko panpina gorriz eta berdez mozorrotutako bi aktore oinezkoek errepide eta kaleetatik ibiltzean erakusten dituzten jarrera positiboak indartzen saiatuko dira. Gaur Andoni Arriola Trafiko zuzendariak inauguratuko du ekimen hori Bizkaiko Zubiaren plazan, Areetan, goizeko 12:30ean. Arratsaldean, berriz, kanpaina Algortan izango da, Algortako etorbidea eta Mariandresenaren arteko gurutzebidean. Bihar Areeta eta Algortan izango dira berriro, hilaren 15ean Leioarako jauzia emateko, goizean Iparragirre etorbidean eta arratsaldean Sabino Arana kalean. 17an, berriz, Astrabuduako metro geltoki ondoan izango da, Aldaieta-Etxegorrin.. Herrizaingo sailak harrapatzeak ekar ditzaketen jarrerez ohartarazi nahi ditu oinezkoak kanpainaren bidez: errepidea semaforoa gorri dagoela gurutzatzea eta behar ez den tokitik edo arreta jarri barik egitea, besteak beste. Espaloian, panpina gorriaz eta berdeaz mozorrotutako aktoreek horrelakoak egiten dituzten oinezkoak ohartaraziko dituzte, modu atseginez, eta gainerako oinezkoen jarrera positiboak txalotuko dituzte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun