Jasotzeko egun batzuk itxaron beharko dira
TGE euskaraz, gazteleraz eta ingelesez igorriko du EHUk eta segurtasuna bermatzeko ezaugarri bereziak dituen paper mota batean inprimatuko da. EHUren helburua TGE entregatzeko epea ahalik eta gehien laburtzea izan da. Horregatik, TGE zuzenean Akademi Kudeaketarako Zerbitzuaren bidez kudeatzeko lanean aritu dira eta horrela, ordezkari akademikoek ziurtatu dutenez, "gehigarriaren eskaera egiten denetik entregatzen den arteko epea laburtu egin dugu. Ohikoena zera izango da, eskaera egin eta handik bi egunera ikasleek dokumentua beren ikastegian jaso ahal izatea". Eskaera EHUren webgunearen bitartez, matrikulatuta egondako ikastegiko idazkaritzan edo Campusetako Errektoreordetzen bidez egin daiteke.
Eva Ferreira Akademi Antolakuntzako errektoreordearen iritziz, “TGE Europako Unibertsitate Eremua gauzatzeko eta gure tituluak Europan homologatu ditzaten ezinbesteko tresna da. Tresna horri esker, gure ikasleen gaitasun akademikoa egiaztatu egingo da eta ikasleen garapen profesionala kontinente osoan zabaltzea erraztuko da. TGEk, nolabait, gure tituluei “gardentasuna” ematen die. Gure tituludunen nazioarte mailako mugikortasuna ere erraztuko du”.
Gaur Euskal Herriko Unibertsitatea Bologna Prozesuak bultzatutako Tituluaren Gehigarri Europarra (TGE) ematen hasiko da. Dokumentu hori EHUko ikasketak 2003ko abenduaren 12tik aurrera amaitu dituzten ikasle guztiek eskatu ahal izango dute. Agiri hori ematen duen lehenengo unibertsitate publikoa da EHU, aurretik unibertsitate pribatu gutxi batzuk baino ez direla ibili. TGE unibertsitateko tituluarekin batera ematen da, eta EHUk zabaldutakoaren arabera, erraztu egiten du titulua nazioarte mailan onartzea. Dokumentuak zortzi kapitulu izaten ditu. Hala nola, tituluaren jabea nor den, titulua zein den, titulazioaren maila, titulazioaren edukiak eta lortutako emaitzak, tituluaren funtzioa, informazio gehigarria, gehigarriaren ziurtagiria eta jatorrizko herrialdeko goi mailako irakaskuntzari buruzko informazioa. Gehigarriaren oinarrian Europako Batzordeak, Europako Kontseiluak eta Unescok osatutako lan taldeak egindako eredua dago eta Europako Unibertsitate Eremuaren eraikuntza prozesuaren barruan, Bologna prozesua bezala ezagutzen dena, egiaztatze akademikorako oinarrizko tresna bihurtuko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun