Konturatu naiz berriro bueltatu direla erderazko izenak: Maria, Claudia, Lucia, Javier, Adrian, Gonzalo... Moda kontuak izango dira. Hori bai, ez naiz nire izenaz lotsatzen.
Nahikari Ayok astearte honetan Nire begietatik bere bitakoran argitaratua
http://www.goiena.net/blogak/begietatik
Gaur hasi naiz berriro lanean, Bertsolaritza irakasten Getxoko umeei. Ez dakit umeak aldatu diren, ni aldatu naizen edo zer gertatu den. Beti egiten dut aurkezpen berdina: "Nahikari naiz, Erromokoa. 25 urte ditut eta Bertsolaritza erakutsiko dizuet urte osoan zehar. Galderarik edo?". Beti esaten diet adina, bestela galdetuko didate. Normalean beti esaten didaten Erromokoa naizela, gehienak Algortakoak direlako eta pike txikia dagoelako betidanik bi auzoen artean. Baina ume moko batek hauxe esan dit: "¿No te da verguenza el nombre que tienes?" Lehenengo amorrua eman dit erderaz esan didalako eta gainera izen arraroa daukadala? Ez da ohikoa onartzen dut, ez da Leire, Miren, Ane... Txikitan esaten zidaten, baina gaur egun Nahikari asko daude. Gainera ia ez didan lotsarik ematen? Inoiz ez dit lotsarik eman, behintzat gurasoek burua nekatu zuten izen baten bila. Argazkia: Nahikari Ayo.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun