Itzubaltzeta / Romoko Segiren oharra:
Bihar, osteguna, Mobilizazio Eguna izango da Euskal Herri osoan, azken atxiloketa politikoak salatzeko eta egoera honi irtenbide demokratikoa eman behar zaiola aldarrikatzeko.
Itzubaltzeta / Erromon honako deialdiak finkatu dira:
-11:15ean Getxo IV institutuan kontzentrazioa
-19:30ean Kolas plazan manifestazioa
Era berean, ez ahaztu ostiralean Iruñean izango den manifestaziora hurbiltzeko autobusa irtengo dela eskualdetik, 14:45etan errotonda nagusitik pasako dena, eta bertan izen emateko gaur iluntzeko 19:00ak arte daukazuela epea.
Itzubaltzeta/Erromoko Segi<7b>
Batasuneko kideen atxiloketa salatzeko mobilizazioak egingo dituzte bihar Itzubaltzetan
Itzubaltzeta / Romoko ezker abertzaleak deituta, bi mobilizazio izango dira bihar, osteguna, herri horretan. Alde batetik, goizeko 11:15ean kontzentrazioa egingo dute Romo-Artatza institutuaren aurrean. Beste aldetik, arratsaldeko 19:30ean, Kolas plazatik aterako dira manifestazioan. Biak ala biak helburu bera izango dute: "azken atxiloketa politikoak salatzeko eta egoera honi irtenbide demokratikoa eman behar zaiola aldarrikatzeko" ekimenak izango baitira, Segi gazte erakunde ilegalizatuak adierazitakoaren arabera. Protestak LAB sindikatuak "Errepresiorik ez! Euskal Herriak hitza eta erabakia" deitutako mobilizazio egunean kokatzen dira. Argazkian, 2006ko abenduaren 1ean, Romo-Artatza institutuaren aurrean egindako kontzentrazioa, Jarrai-Haika-Segi auzia salatzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun