Aurten bertsolaritza DBHn ere emango da
Azkenik, Lehen Hezkuntzako D ereduan ikasten duten 5. eta 6. mailetako eta DBHko lehenengo zikloko 372 ikaslek bertsolaritza ikasiko dute aurten, hain zuzen ere bertso teknika, bere historia, jendeaurreko jardunerako teknika, bat-bateko bertso-jardunerako bidean jartzea eta bertso kulturaz jantzi eta bertsozaletzea. Kasu horretan gainera lehendabiziko aldiz, eta ikasleek beraiek eskatuta, bertsolaritza klaseak DBHra ere zabaldu egin da. Hiru kasuetan astean behin izango dute klase ikasleek eta saio guztiak urriaren 1ean hasi dira eta datorren urteko ekainaren 13an amaituko dira.
Getxo udalerriko hainbat ikastetxetako 2.366 ikaslek izena eman dute ikasturte honetan euskal dantza, kanta eta bertsolaritza klaseetara joateko, bertako Euskara Zerbitzuak jakitera emandako datuen arabera. Hain zuzen ere, euskal dantza ezagunenak ezagutzea, apurka-apurka euskal dantzetan trebatzea eta aldi berean euskararen erabilera bultzatzea helburu dituzten dantza klaseetara aurten Lehen Hezkuntzako 1.595 ikasle joango dira. Bestalde, euskal kanta klaseen helburuak betiko kantuak ezagutzea, horien zergatia ezagutzea eta banaka edo taldeka kantatzeko gai izatera heltzea dira. Guztira, 399 ikaslek eman dute izena bi taldetan banatuta. Lehen Hezkuntzako 5. mailako ikasleek urritik datorren urtarrilera bitartean izango dituzte klaseak eta 6.mailakoek, berriz, datorren otsailetik ekainera bitartean. Argazkian, Getxo udalerriko eskoletan trebatu diren Balendin Txiki I. bertso paper lehiaketako 15 irabazleak, epaimahaikideak eta sari emaileekin batera, pasa den maiatzaren 10ean / ALBE.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun