Landaren aburuz, gazteei "ez zaie heziketa ikastarorik ezta berbaldirik ere eskainiko, gazte eta hauek bizi dituzten arrisku egoeren giroan sartzea baino ez delako asmoa”. Programak urtebeteko biziraupena izango du, gutxienez, eta 30.000 eurotan aginduko dute.
Areetako jaietan izandako intoxikazio etilikoak gogoan
Landak aipatu duenez, “Gobernu Taldeak ondo daki gurasoen artean dagoen ardura gazteen eta drogen edo arrisku egoeren artean sortzen den harreman zuzena dela-eta. Hartara, arazoari bere osotasunean hartuta heldu gura diogu”. Alkate getxotarrak berriz ere eman du berba gai hauei heltzeko. Areetako Ama Mesedeetako jaien ostean, auzoko bizilagunek gazteen arteko alkohol kontsumoa dela eta agertutako arduraren harira esan du espediente bana zabaldu zaiela denda bati adin gabekoei alkohola saltzeagatik eta pertsona nagusi bati saltoki batean adingabekoei alkoholdun edariak erosteagatik. “Honek adierazten du Herritarren Segurtasunaren esparrutik ere lanean ari garela, osoko ikuspuntu batetik heldu beharreko problematika den arren. Udaltzaingoa ez ezik, gurasoak, irakasleak eta erakundeak inplikatu behar ditugu ere. Hala ere, udalerriko jaien gaineko ebaluaketa egingo dugu ondoren neurriak hartu ahal izateko”, aipatu du, azkenik, Landak.
Gazteek drogen eta alkoholaren arriskuak gutxitzeko zerbitzua jarriko du Getxok
Getxoko Udal Gobernu Batzordeak drogen eta alkoholaren kontsumoari aurrea hartzeko plangintza esleituko du lehiaketaren bidez, 30.000 euroko gehienezko aurrekontuarekin. Ofizialki “Mendetasuna sortzen duten gaien kontsumo okerra aurrezaintzeko programa” deitzen den plangintzak helburu gisa drogak eta alkoholaren kontsumoak gazteengan eragiten edo sortzen dituen arriskuak gutxitzea edo desagerraraztea izango du, egoera horiei aurre egiten irakatsiz. Programaren hartzaileak 15 eta 24 urte arteko gazteak izango dira eta begirale talde bat arduratuko da gazteak batzen diren lekuetan, hau da, kaleetan, etxabeetan edo Gaztelekuan bertan behar eginez. “Aurkituko dituzten arrisku egoerei, hala nola, droga menpekotasunari, neurri gabeko sexu harremanei eta ibilgailuak erabiltzeari, aurre egiteko baliabideak eman nahi dizkiegu gazteei”, esan du gaur eskainitako prentsaurrekoan Imanol Landa Getxoko alkateak (argazkian).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun