Aldez aurretik ez da beharrezkoa izango inskripziorik egitea, nahikoa izango da emandako toki eta orduan egotea. Partaidetza lagun bietako taldeetan izango da eta ibilaldiaren oroigarrizko opariren bat emango zaie partehartzaile guztiei. Hala ere, lehenengo sailkatuak sarituak izango dira.
Unai Basurkori omenaldia
Ibilaldia bukatu ondoren herri saiheski egongo da eta 13:00etan sari-banaketa hasiko da Algortako batzokiaren patioan. Sari kopuru handia eta kirol material asko egongo da. Era berean, Unai Basurkori omenaldia egingo diete.
Algortako Ibilaldi Neurtua, ibiltari guztientzat klasika bihurtu dena, hainbat babesle ditu, tartean, El Abra-Getxo Kirol Portua, Bilbao Bizkaia Kutxa, Getxoko Udala, Metro Bilbao, "Deia" eta Bizkaiko Foru Aldundia.
Itxartu Taldea Algortako kultur elkarteak urtero urriaren 12an antolatzen duen Ibilaldi neurtuaren XXV. edizioa ospatuko du bihar, ostirala, Unai Basurkorekin. Urtero ibilaldi honetan partehartzaile kopuru handia biltzen da 16 kilometroko ibilbidea egiteko. Kide helduak goizeko 8:30etik aurrera ibiltzen hasiko dira Algortako batzokitik. Ibilbidean, Fadura, Santa Ana, Berangoko hilerri eta Urkotik pasatuko dira, Berangon hornidura egin arte. Ondoren, ibilaldia egiten jarraituko dute, Azkorri, Punta Galea eta Aixerrotatik igaroz, Algortako batzokira bueltatu arte non Ibilaldia amaituko den. Antolatzaileen arabera, ibilbidea zailtasun gutxikoa da eta gutxi gorabehera hiru ordu t´erdietan egin ahal izango da hornidura geldiketa kontatuz. Hamar urteko baino gutxiagokoentzat, berriz, beste ibilbide bat prestatu dute, Algortako batzokitik Aixerrotara eta handik Azkorrira igaroz eta itzulera Punta Galea eta Aixerrotatik egingoda. Ibilbide horretan haurrek 6 kilometro errazak egingo dituzte, goizeko 10etan hasita. Argazkian, iazko edizioan hainbat ume txikitxo garaikurrak eskuan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun