Nietzscheren azken egunak
Larunbateko azken lana 20:00etan eskainiko da Getxo Antzokian, Traspasos taldeak taularatutako azken drama: “Demasiado humano” hain zuzen ere. Antzezlanak Friedrich Nietzsche filosofoaren azken egunak hartzen ditu ardatz nagusi. Halaber, ikuskizuna pentsalariaren bizitza eta sorkuntzaren draman burutu zen bilaketa prozesu luzearen emaitza da, hau da, bere porrot psikikoaren osteko itxialdira iritsi arte. Nietzche pertsonaiak antzezlanean esaten duena guztia bere bizitzako uneren batean esan zuen, nahiz eta era zatikatu eta aforistikoak izan. Gaixo terminala den Nietzsche obran irudimenezko erroten aurkako borrokan ari den Kixote izan beharrean kontzeptuen eta dogmen tiraniaren aurka borrokatzen duena da, itxuraz behintzat maila historikoan frogatuta dauden gertaerak biltzen dituen fabula moral oso arrunta erabiliz.
Bihar, urriak 19, ostirala, bigarren eta azken asteari ekingo diote Getxoko XXII. Antzerki Jardunaldiek, Txalo Produkzioak taldearen eskutik. Arratsaldeko 8etatik aurrera, taldeak bere azken lana antzeztuko du Algortako Getxo Antzokian: “Bota patsa!” (argazkian), hain zuzen ere. Komedia horrek gimnasio batean biltzen diren negozio-gizon eta artista izan nahi duen gazte bat ditu hizpide, oso ezberdinak diren bi munduen isla, izerdi patsetan aritzen dira eta, ariketa fisikoak egiten dituzten bitartean, beren nahiak eta itxaropenak jakinarazten dizkiote bata besteari. Biharamunean, berriz, larunbata, eskaintza anitza egongo da jardunaldietan bai gaztetxoek bai helduek antzerkiaz goza dezaten. Areetako Andres Isasi Musika Eskolan Behibi’s taldearen “Rosi erosi” txotxongilo lana antzeztuko da bi saiotan: 12:30ean, gaztelaniaz eta, 18:00etan, euskaraz. 13:00ean, berriz, “Kanpanolue” haurrentzako kale ikuskizun euskalduna antzeztuko da. Eidabe taldearen lanak musika eta antzerkia uztartzen ditu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun