Keltse Eiguren Aukera Berdintasuneko zinegotziak nabarmendu duenez, “emakume eta gizonen arteko harremanei dagokienez, XX. mendearen azken laurdenean eta oraingoaren hasieran oso aldaketa adierazgarriak gertatu diren arren, esate baterako emakumeak masiboki lan merkatuan sartzea, edota mugimendu sozial eta politikoetan, eta oro har, esparru publikoan parte hartze handiagoa izatea, emakumeen aurkako indarkeria bezalako gaietan, edo etxeko lanen edo zainketa lanen banaketa desorekatua bezalako gaietan ikus daiteke oraindik ere sexismoak egun indar handia duela gure inguruan, eta aurrera egiten jarraitzeko beharrezkoa dela gizonezkoen parte hartzea”.
Ibon Arrizabalaga de Mingo sexologo donostiarrak eta EHUren emakume eta gizonen arteko berdintasunaren gaineko masterra duenak, dinamizatuko du tailerra Algortako Villamonte kultur aretoan, ostegunetan 19:00etatik 21:30era. 15 orduko iraupena izango du, bi ordu t'erdiko 6 saiotan banatuta. Urtarriletik aurrera interesa dutenek parte hartzen segitu ahal izango dute hilean behin egingo diren saioetan. Informazio gehiago izateko eta izena emateko Getxoko Udalaren webgunera, edo Martikoena kaleko 16. zenbakian dagoen Berdintasun Zerbitzura jo daiteke, urriaren 22a eta 31ren artean, bi egun horiek barne. Telefono zenbakia 944 660 130 da eta posta elektronikoa, berriz, ieizmendi@getxo.net.
Gizonezkoek sexismoari aurre egiteko tailerra antolatu du Getxoko Udalak
2007ko urr. 19a, 15:09
Getxoko Udaleko Berdintasun Zerbitzuak “Gizonok sexismoari aurre egiten. Guk ere badaukagu zer esanik” izeneko tailerra antolatu du, hain zuzen ere gai horietan sakondu nahi duten udalerriko gizonezkoentzako prestakuntza eta hausnarketarako tailerra. Tailerra datorren azaroaren 8an hasiko da eta bere helburu nagusiak dira eredu maskulino tradizionala eztabaidatzea eta eredu horrek, hala gizonezko nola emakumezkoentzat, dituen ondorioak aztertzea, gizonezkoek sexismoaren barruan eta sexismoari aurre egiterakoan duten zereginari buruz hausnartzea eta harreman berdintsuagoak, bai euren artean eta baita emakumeekiko ere, nahi dituzten gizonen arteko elkartrukaketarako esparrua eskaintzea. Argazkian, Valentzian egindako antzeko tailer baten partaideak.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun