Getxoko Udalak bidezko merkataritza bultzatzea eskatu du Ezker Batuak
2007ko urr. 19a, 20:43
Getxoko "Ezker Batua-Berdeak udal taldeak", Getxoko Udalak erosketa publikoetan irizpide etikoak bultzatzeari buruzko mozioa aurkeztu du gaur zortzi egingo den Udalbatzan eztabaidatzeko asmoz. Getxo Gorria bitakoran zabaldu dutenez, legealdi honetan aurkeztu duten lehenengo mozioa da. Testuan, bide batez, ez dute inolako aipamenik egiten koaliziokidea den Aralarri buruz. EBk gogoratzen du administrazio publikoek elkarlan eta garapen proiektuetan egindako lana eta Getxoko Udalari "beste urrats bat gehiago" ematen dio bidezko merkataritza eta etikan oinarritutako erosketa publikoa direla medio. Izan ere, alderdi horren aburuz, nazioarteko merkataritza sareek erabiltzen duten Hegoko ekoizleen aurkako diskriminazioak saihesten dute horiek beren kabuz bizi ahal izatea laguntzen menpe egon beharrean. Argazkian, Iñaki Urkiza zinegotzia.Kontuan hartuta administrazio publikoek Barne Produktu Gordinaren (BPG) %16a gastatzen dutela, horrelako politiketan udalen parte hartzea urrats garrantzitsua litzakete EBren ustez. Gainera, ekimena hornitzaileak diren enpresenga zabaltzeaz gain, "koherentzia" emango lioke Getxoko Udalak darabilen politikari. Zehazki hiru puntu ditu EBren proposamena: bidezko merkataritzaren presentzia bultzatzea udalak egiten dituen garapen elkarlanerako deialdien oinarrietan; bidezko merkataritzako produktuak udal zerbitzu eta aretoetan sartzea; eta hornidurarako lehiaketa publikoetan bidezko merkataritza irizpiderako beste balore bat bezala sartzea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun