Uribe Kostako Segi gazte erakundearen ustez, esperokoa zen "kurtso gogorra" izatea, eta horrela ulertu zuen erakunde horrek ikasturtea hasi baino lehen. Batasuneko Mahai Nazionaleko kideen eta Uribe Kostan izandako atxiloketa guztiek Segik egindako hausnarketa baino ez du berresten: Frantzia eta Espainiako Gobernuek "errepresioaren eta gatazka luzatzearen alde egindako apustua".
Horregatik Segik "gazte eta aske irabazi arte" ekin zion, Segiren aurkakoez gain "edozein frontean herri honen alde lan egiten duen edozein gazte edo gazte talderen aurkako erasoak salatzeko asmoz". Baina ildo errepresibora mugatu ordez, erantzuna ematea ezinbestekoa dela uste gazte erakundeak. Horregatik, Uribe Kostan izandako operazio dela medio "inoiz baino gehiago" gazteriak abiatutako martxaren alde egitea eskatu du.
Toxikazioak
Baltasar Garzon "epaile faxistak", Espainiako Poliziak eta hainbat hedabideek Uribe Kostako atxilotuen inguruan zabaldu dituzten "gezur eta manipulazioak" nabarmendu du Segik. Atxilotuak Segirekin lotura omen dutela, Segiren 8.000 bat euro zutela edota Segiren txostenak zituztela argitaratu izana "ziztrintzat" jo dute: "Gasteizko atxiloketetan egin zuten bezala, gazteak ezker abertzalearekin lotu nahi dituzte sortu duten film kriminalizatzailearen bidez. Segik bere jarduera politikoak egiten ditu. Ez du ezkutatzen eta jarraituko du egiten, baina txosten bat izateagatik atxilotzen dituzten gazte guztiak Segirenak direla esatea... Nork ez du Segiren txosten bat?".
Sarekada salatu eta Uribe Kostako gazte martxan parte hartzera deitu du Segik
Uribe Kostako Segik Espainiako Poliziak asteazkenean abiatu zuen sarekada salatu eta goizeko 10etan Erandiotik abiatuko den "kapitalismoa apurtuz, garaipena gure esku!" leloko gazte martxan parte hartzera deitu du. Gazte erakunde ilegalizatuak nabarmendu du PSOEren Gobernuak bide errepresiboa hautatu duela "gudarako apustua eginez" eta atxilotuen aurka egin dutela Getxoko gazteriak "Euskal Herriaren eskubideen defentsan eta independentziaren alde antolatzen eta borrokan aritzeagatik". Dena den, UKBERRI.NETi adierazi diotenez, horrela "ez dute euskal gazteria geldituko" eta dei berezia egin dute "askatasunaren aldeko borrokara lotzeko". Ildo horretan, Espainiako Poliziari "erantzunik onena" eraikuntzari buruz ematera deitu dute eta gogoan hartu dute gazteriak Uribe Kosta martxa 2007ri esker "erakustaldi bikaina egiteko aukera" izango duela. Horregatik, goizeko 10etan Erandioko metro geltokitik abiatzera deitu dute. Bestalde, hainbat hedabideek atxiloketen inguruan zabaldutako toxikazioak salatu dituzte. Argazkian, 2006ko gazte martxaren irudi bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun