Erandio eta Leioako campuseko Gizarte eta Komunikazio Zientzien Fakultateko ASI "alternativa progresista"k bat egin du Bilboko Gazteria Sozialistak-Egaz taldearekin datorren urriaren 26 eta 27rako Portugaleteko Udalak antolatu duen "2007 Gaztegunea" mintegian parte hartzera deitzean. Bi erakundeen arabera, PSE-EEk gidatzen duen Udalaren asmoa 18 eta 24 urteko gazteen topagune bat lortzea da. gazte horiek bere ikuspuntua emateko prest egon beharko lirateke hainbat gaien inguruan, tartean drogak, udal ordenantzak, litroak edatea edo aisialdirako alternatibak bezalako gaiak jorratuko dituztela. Topaguneak 80 bat lagun bilduko ditu, besteak beste Benicassim festibalaren zuzendaria, kolektibo ezberdinetako kideak eta gazteekiko komunikazioan adituak. Gazteria Sozialistek igarri dutenez "ASIz gain, ikasle kolektiboak, narkoaretoak, auzoetako gazteen kolektiboak, drogen aurkako zein legalizatzearen aldeko kolektiboak eta Erasmusekoak ere joango dira bertara. EAEko zein kanpoko jendea". Bilboko aterpeko egonaldia zein otorduak doakoak izango dira parte-hartzaileentzat. Izena emateko, JSE-EGazek azaldu duenez, ASIren bidez egin behar da, asialternativa@hotmail.com posta elektronikoaren bidez. Argazkian, Portugalete gazte infozrmazio zentroa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun