PPk larunbatean jakinarazi zuenez, Marisa Arrue Getxoko PPren presidentearen arabera, erasoek frogatzen dute "ezker abertzalea deritzotenak, hots, terroristak eta babesten dituztenak, ez duela inolako asmorik herri horrentzako bakea bilatzeko. Eurek ekintza mafiosoekin eta mehatxuekin jarraitzen dute egiten dakiten gauza bakarra delako, demokratak eta gizartea kikiltzen saiatzea".
Rodolfo Ares PSE-EEko Antolakuntza idazkariak, berriz, ziurtatu zuen sozialistek horrelako erasoak jazo arren, askatasunaren alde lanean jarraituko dutela. Jose Antonio Pastor Bizkaiko PSE-EEko idazkari nagusiak ere, iragarri zuen "faxistek" PSE-EEren aurkako erasoak egin arren, sozialistek lanean jarraituko dutela.
EB-Berdeek ere salatu zuten aldi berean Getxo eta Urduñako erasoak, eta ezker abertzaleari zuzendu zitzaien eraso horiek gaitzes ditzan.
Bere aldetik, pasa den udal hauteskundeetatik Getxoko Udalbatzatik kanpo gelditu den Eusko Alkartasunak ere arbuiatu egin zuen Areetako erasoa, eta "babesa" eta "elkartasuna" eskaini zizkion erredura arinak jazo zituen emakumeari. Kale erasoak gizarte osoaren kontrako erasoak direla esan zuen.
Getxoko Udaleko Bozeramaileen Batzordeak hartutako akordioa:
PSE-EE-ren Areetako egoitzari urriaren 19an (ostirala) egin zaion azken erasoan, kalte materialak ez ezik pertsona bat zauriturik suertatu zen, erasoa gertatu zen unean bertan zegoena. Eraso honen aurrean, Getxoko Udaleko Bozeramaileen Batzordeak ondokoa adierazten du:
1. Indarkeriazko ekintza horiek erabat gaitzesten ditu.
2. Alderdi Sozialistari eta zauritutakoari bere elkartasuna eta gertutasuna adierazten dizkie. Zauritua lehenbailehen osatzea espero du.
3. Egile material eta intelektualei exijitzen die honelako ekintzak berehala eta behin betiko uzteko, euskal gizartearen eta zehazki getxotar gizartearen bake eta bizikidetza nahien aurkakoak baitira.
Getxon, 2007ko urriaren 22an
Areetako PSE-EEren egoitzaren aurkako erasoa gaitzetsi du Getxoko Udalak
2007ko urr. 22a, 20:24
Getxoko Udaleko Bozeramaileen Batzordeak pasa den ostiralean PSE-EEk Areetan duen egoitzaren aurkako erasoa gaitzetsi du. Batzordea alkatearen ekimenez bildu da gaur Getxoko udaletxean eta "indarkeriazko ekintza horiek" gaitzesteaz gain, PSE-EEri eta zauritutako pertsonari bere elkartasuna eta gertutasuna adierazi dizkie. Azkenik, "egile material eta intelektualei" horrelako ekintzak "berehala eta behin betiko" uztea exijitu die, getxoztar eta euskal gizartearen "bake eta bizikidetza nahien aurkakoak baitira". Bozeramaileen Batzordea bildu baino lehen, Imanol Landa alkateak eta batzordea osatzen duten talde guztiek aurretik emana zuten gaitzespen deklarazioa hainbat hedabideen bitartez. Argazkian, 2005ean erre zuten Sopelako PSE-EEko egoitza.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun