Bonbillak oparituko dituzte Algortan eta Areetan DNI zenbakia aurkeztuz gero
2007ko urr. 23a, 21:26
EAEko Energiaren Euskal Erakundea (EEE) eta Getxoko Udalaren eskutik, kontsumo gutxiko bonbillak doan banatuko dira bihar eta etzi, asteazken eta osteguna, Algortan eta Areetan, hurrenez hurren. Lehenengo hitzordua bihar, hilak 24, izango da Algortako Telletxe plazan, 10:00etatik 14:00ak arte eta 16:00etatik 19:00ak arte. Etzi, berriz, ekimena errepikatuko dute Areetako Xake plazan, ordutegi berean. Kontsumo txikiko bonbilla bakarrarekin batera, erandioztarrek etxean energia aurrezteko aholkuak batzen dituzten liburuak eta ibilgailuentzako bioerregaien gaineko informazio eskuorriak eta turismoak gidatzeko doako ikastaroei buruzko informazio eskuorriak eraman ahal izango dituzte herritarrek. Baina aipatu objektuak jaso ahal izateko, Espainiako Nortasun Agiria, pasaportea, gidatzeko baimena edo Espainiako karnetaren zenbakia jasotzen duen agiri ofizialen bat aurkeztu beharko dute. Argazkian, horrelako bonbillak 3 euro baino gutxiagotan eros daitezke.Ekimena Eusko Jaurlaritzako Energiaren Euskal Erakundea hainbat udalerritan egiten ari den kanpainaren barruan kokatzen da. Sopelan eta Erandion ere egin zuten, baina bertan DNI baino ez zuten onartzen. Bestalde, Sopelan bina bonbilla jaso zuten herritarrek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun