Sopelako Munarrikolanda mendi taldeak irteera berria antolatu du igande honetarako, urriak 28. Oraingoan, Arcena medilerroan zehar ibiliko dira, Valderejo Natur Parketik hurbil, Araba eta Burgos artean. Ibilbidean Ebro ibaia, Frias herria eta Garoña zentral nuklearra ikusteko aukera izango dute mendizaleek, udal iturriek azaldu dutenez. Autobusa goizeko 7etan irtengo da San Pedro eliza aurrean dagoen geltokitik. Bazkideek 11 euro ordaindu beharko dute, gainerakoek 13 euro. Ibilbidea, gutxi gorabehera, zazpi ordukoa izango da eta bistaz gozatzeko, argazkiak ateratzeko edota bazkaltzeko geldialdiak egingo dira. Itzultzerakoan taldeak Arabako beste herri bat bisitatuko du, partaideek ustekabe atsegina izango dute bertan. Interesatuek taldearen web orrialdea bisitatu, www.munarri.com, edo mezua bidal dezakete munarrikolandamt@vodafone.es helbidera. Argazkian, Munarrikolandako mendizaleek igaz Autza (Nafarroa) egindako txangoa.
Zeharkaldia Villafria de San Zadornil herrixkan hasiko da, Revillallanos (1.281m), Mojón Acuchillado eta Cueto (1.367 m) mendiak zeharkatu ostean, jaitsiera hasiko da Nograro Gaubeako herrixkaraino.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun