Susana Cerrok kantuko goi mailako titulua lortu zuen Bilbon, eta Javier Solaun, Emilio Sagi, Maria Bayo eta Jaume Aragall bezalako maisuekin prestakuntza osatu zuen. Talde ezberdinek gonbidatu dute solista moduan, eta azpimarratzekoa da "Haizearekin burdina moztuta" Musika Elektroakustikoko eta Instrumentaleko Kontzertuaren mundu mailako estreinaldian izandako parte-hartzea: errezitaldia eskaini zuen soprano eta pianorako, Eduardo Chillidaren olerki eta pentsamenduak oinarri hartuta eta Gorka Alda euskal musikagilea lagun izanda Gipuzkako Chillida-Leku museoan.
Marcelo Aguilarrek kantua ikasi zuen La Pazeko Kontserbatorio Nazionalean, eta Boliviako Orkestra Sinfoniko Nazionalarekin egin zuen debuta solista moduan 2003an. Kasu artean, Georges Bizeten “Carmen” operan aritu zen. 2005aren amaiera aldera Bilbora joango zen eta han ikasketekin jarraitu Juana Crisostomo Arriaga Goi Mailako Musika Kontserbatorioan, Susana Zabaco eta Olatz Saituarekin. Orain dela gutxi, Krzysztof Pendereckiren “Requiem poloniarra” abestu du, egilearen beraren batutapean Alemanian barrena egindako biran.
Getxon eta Donostian egindako lehiaketa ezberdinetan saria eskuratu ondoren, toki horietan ere musika ikasketak eginda, Asier Vallejo Ugarte izan dute lagun pianoan ikasleek nahiz kantuaren profesionalek geografia osoan zehar. Nabarmentzekoa da Alessandro Scarlattiren "Il trionfo dell'onore" operaren eszenaratzean korrepetidore moduan egindako lana Max Bragadoren zuzendaritzapean, eta Anton Garcia Abrilen abestiak entzutea Musikeneko kantu ikasleekin batera egilea bertan egonda.
Getxoko XXII. Udazkeneko Kontzertuak iluntzean amaituko dira Susana Cerro sopranoa, Marcelo Aguilar baritonoa eta Asier Vallejo piano-jolearen eskutik. Hirukotearen kontzertua orain dela lau urte hasi zen “Talentu berriak” atalean kokatzen da. Atal horrek musika klasikoaren artista gazteen lana bultzatzea du helburu nagusi. Saioan hirukoteak Mozart, Sorozabal eta Guridi musikagileen piezak interpretatuko ditu. Kontzertua Getxo Antzokian izango da, 20:00etatik aurrera. Kontzertuan parte hartzen duten hiru artistek bat egin zuten, bakarka ibilbide musikal sendoak garatu izan ostean gure mugen barruan eta haietatik kanpo. Ordudanik harremana estutu dute eta herrialdeko areto nagusiak bisitatu dituzte genero eta estilo ezberdinetako programekin. Getxoko Kultur Etxeak antolatutako ekimen honek astelehenean abiatuko den Getxoko Aste Koralari egingo dio lekua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun