Presoen Aldeko Taldeaken oharra:
Datorren urriaren 31n, hilabeteko Azken Asteazkenarekin bat eginez, Presoen Aldeko Taldeek (PAT) deituta euskal presoentzako estatus politikoa aldarrikatzeko mobilizazioak egingo dira fakultate eta eskola unibertsitario desberdinetan.
PSOEren gobernuak Ezker Abertzalearen kontra darabilen gerra estrategiaren ondorioak nabariak dira azkenaldian: atxiloketak (Batasuneko Mahai Nazionalarena barne), zitazioak, debekuak...
Euskal Herriak bizi duen gatazkari benetako konponbidea emateko PSOEren borondate falta hau kartzela politikan ere islatzen da. Honela, kartzelan dauden euskal preso politiko guztien oinarrizko eskubideak uneoro urratuak dira, dispertsioak eskubide urraketa hauek are bortitzagoak egiten dituelarik. Hain ozen aldarrikatzen duten beren legediaren arabera kalean behar luketen preso asko dituzte bahiturik, hala nola, larriki gaixo daudenak edota zigorra beteta dutenak.
Honegatik, euskal preso politikoen estatus politikoa aitortzea ezinbestekoa da eskubide hauek guztiak berma daitezen. Kolektiboak bizi duen egoera gure herriak bizi duen defizit demokratikoaren beste erakusle bat besterik ez da; demokrazia falta hau gainditzeko eta Euskal Herriak bizi duen gatazka konponbiderantz bideratzeko ezinbestekoa da marko demokratiko bat osatzea.
Ondoko leku eta orduetan antolatu dira aipatutako mobilizazioak:
-Leioa: 11:30ean kafetegi nagusian.
-Deustua: 10:50ean landan.
-Enekuri (Magisteritza): 12:00etan sarreran.
-San Mames (Ingeniaritza)
Presoen Aldeko Taldeak
Asteazken honetan, urriak 31, euskal presoentzako estatus politikoa aldarrikatzeko mobilizazioak egingo dira fakultate eta eskola unibertsitario desberdinetan, Presoen Aldeko Taldeek (PAT) deituta. Kaleratutako oharrean, gogor salatu du erakundeak PSOEren gobernuak ezker abertzalearen kontra darabilen "gerra estrategia": atxiloketak (Batasuneko Mahai Nazionalarena barne), zitazioak, debekuak... jarri ditu adibidetzat PATek, baina bereziki kartzeletako egoera gogora ekarri nahi izan du, horren harira, euskal presoen estatus politiko aldarrikatuz. EHUko Erandio eta Leioako campusean, 11:30ean egingo dute elkarretaratzea, kafetegi nagusiaren aurrean. Argazkian, presoen aldeko elkarretaratze bat Leioako campusean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun