Saltzekoak ziren 43 auto kendu dituzte kaleetatik aurten Getxoko udaltzainek
2007ko aza. 2a, 13:43
Urtarrila eta iraila bitartean, 43 auto Getxo udalerriko kaleetatik kendu eta udal gordailura eraman dituzte, merkatal jardueraren gaineko Euskal Autonomi Erkidegoko legea urratzea egotzita. Ibilgailuak karrikan salgai jartzeagatik beste horrenbeste zigor espediente bideratu ditu tokiko erakundeak horien jabeen aurka. 2006an 44 izan ziren kaleetatik kendutako autoak arrazoi berberagatik, eta, azkenik, 24 laguni isuna jarri zieten, Keltse Eiguren Udalburutza zinegotziak emandako datuen arabera. Multak 1.502 euro artekoak izan, baina udalerrian ipini diren gehienak 300 bat eurokoak izan dira. “Getxoztar guztion eta gurera kanpotik datozenen onerako”, herriko kaleetan autoen salmenta galarazteko neurriak bultzatzen jarraitzeko borondatea aitortu du Eigurenek. Argazkian, Arriluzerako bidean salgai jarritako bi ibilgailu.Getxoko Udalak "oso hurbiletik" jarraitu du azken urteotan hainbat lagun, talde eta auto kontzesionarioen jarduera, herriko kaleak autoak “salgai” kartela eskegita, zuzenean saltzeko erabiltzen dituztelako, eta "aparkalekuak hartzen dituztelako etengabe". Eigurenek adierazi du tokiko erakundeak neurri sorta ezarri duela hori ekiditeko, "merkatal jardueraren gaineko euskal legean oinarritutako udal ordenantza urratzen duelako, baita aparkatzeko lekuak libre egotea eragotzi getxoztarrek eta gure herrira kanpotik datozen guztiek libreki erabil ditzaten”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun