Getxo Rugbyaren 21 urtez azpiko taldearen prentsa oharra:
Getxo Rugbyaren 21 urtez azpiko taldeak kaleratu ditu 2008rako egutegiak
Datorren martxoan taldeak Argentinara egiteko duen bidaiarako dirua ateratzeko egutegiak kalean dira jada. Egutegia, iaz Bilboko suhiltzaileek atera zutenaren tankerakoa da, hots, jokalariak biluzik agertzen dira bertan. Rugbyaren filosofiarekin lotura itxia duten argazkiak dira eta kirol hau nola bizitzen duten erakusten dute bertan beste ikuspuntu original batetik. Hil bakoitzean, filosofia eta argazki horrekin zerikusia duen esaldi bat jarriko da.
Guztira, 14 zuri-beltzeko argazki izango ditu egutegiak, taldearen historia labur batekin hasieran. Egutegia elebiduna da eta hil bakoitzean hizkuntzak txandakatzen dira filosofiarekin zerikusia duten esaldiak idazterako orduan.
Salneurria 5 eurotakoa da eta herriko saltoki desberdinetan egongo da salgai, batez ere Algortan.
Atxikitako argazkiak egutegiko azalaren (jpg) eta urtarrilekoak (jpg) dira.
Getxo Rugbyaren 21 urtez azpiko taldea
2008rako egutegi nudista kaleratu dute Getxo Rugbyaren 21 urtez azpiko taldeko mutilek. Bilboko suhiltzaileek iaz egin bezala, rugby jokalari gazteek biluzik agertzen dira egutegian, Miguel Toña Olaortua argazkilariak harrapatutako zuri-beltzezko 14 irudietan. Ekimen horren bidez, jokalariek 2008ko martxoan Argentinara egingo duten bidaia ordaindu nahi dute. Egutegia "rugbyaren filosofiarekin lotura itxia duten argazkiez" osatuta dago eta kirol hau nola bizitzen duten erakusten dute bertan jokalariek, "beste ikuspuntu original batetik". Hilabete bakoitzean, filosofia eta argazki horrekin zerikusia duen esaldi bat agertzen da euskaraz edo gaztelaniaz, txandaka. Gainera, Getxo Rugby kirol taldearen historia laburbiltzen du. Egutegia bost eurotan saltzen dute dagoeneko udalerriko hainbat saltokitan, tartean Algortako Sustrai, Alkartetxea edo UK tabernan. Argazkian, egutegiaren azalerako erabilitako irudia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun