Azaroaren 18ra arte jarri dituzte ikusgai Berangon Anantapurri buruzko argazkiak
2007ko aza. 7a, 20:39
Vicente Ferrer Fundazioak “Anantapurrekin konprometituak” izeneko erakusketa abiatu zuen atzo Berangoetako kultur etxean. Argazkien bidez, Indian jardunean den garapen integral egitasmoaren berri eman nahi du gobernuz kanpoko erakundeak. Dalits edo "ukitu-ezinen eskualdea" aukeratu eta bere "aldatze-prozesua aurrera eramateko konpromisoa" hartu du fundazioak. Indiako eskualde txiroenetarikoan dago komunitate hori, baina Munduko zonalde txiro eta baztertuenen artean ere. Inaugurazio ekitaldian, egiten duen lana azaldu zuen Irune Pascual Vicente Ferrer Fundazioko EAEko ordezkariak, Beatriz De Lucas proiektu teknikariaren laguntzaz. Eta Izaskun Zubiaur Kultur zinegotzia ere egon zen ekitaldian. Erakusketa azaroaren 18ra arte egongo da zabalik, astelehenetik ostiralera, 10:00etatik 14:00etara eta 18:30etik 21:00etara. Argazkian, ezkerretik eskuinera, Zubiaur eta Pascual atzoko ekitaldian.Aurkezpena bukatu eta gero, erakusketaren gaineko dokumentala ikusteko aukera izan zuten bertan bildutako lagunek. Aurten filmatua, Anamtapurreko bizilagunen gaur egungo egoera ezagutzeko aukera eskaintzen du filmak. “2004 urtetik hasita bost proiektu garatzen dihardugu Indian, Berangoko Udalaren languntzarekin. Guztiak emakumeen egoeraren hobekuntzarekin lotuta daude, hainbat arlo jorratuz: etxebizitza, hezkuntza, osasungintza, genero ikuspegia, ekologia eta elbarritasuna”, azaldu zuen Pascualek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun