Blues jaialdi askotan hamaika aldiz topo egin ondoren eta arlo honetan esperientzia handia dutenez, egun batean bi "bluesmen" hauek elkarrekin lan egitea erabaki zuten. Bluesaren sustrai sendoetatik inspirazioa hartuta eta folk-bluesean eta Mississippiko doinurik garbienean sakondu eta gero, kontu handiz aukeratu duten errepertorioan, haien "bluesmen" gustukoenen kanta klasikoak nabarmentzen dira.
Ariel Rot
Bestalde, XVIII. Musika Denboraldia jardunaldien harira, Ariel Rot Tequila eta Los Rodriguez taldeetako kide izandakoaren emanaldia izango da azaroaren 23an, 20:30ean, Kultur Leioaren auditoriumean. Sarrerek 18 euro balio dute. Rot eskola anglosaxoi onenaren eta erdarazko rock oinarrizkoenaren, hau da, 70eko hamarkadako rock argentinarraren, iragazkitik pasatutako musikaren uztarketa da. Tequila taldearekin entzuleria handien zirkuituan kokatu zen. Ondoren, Los Rodriguez taldearekin, zentzua, nortasuna eta konpromiso artistikoa itzuli zizkion rock espainiarrari, gero eta moldakorrago baitzegoen. Bakarkako ibilbidean, rock garaikideko diskoak egin ditu, oso konposizio, interpretazio eta soinu maila handikoak. Lan horiek aurrez aurre so egin ahal diote nazioarteko rock onenari. Musikaren munduan hogeita hamar urte egin ondoren, Ariel Rot bihotz eta arima dabil bere lanbidean, kontatu beharreko musika eta istorioak dituen eta behin eta berriro aurrekoa hobetu nahi duen sortzaile zintzo legez.
Joan den ostegunean, azaroak 8, eman zitzaien hasiera Kultur Leioak antolatutako "Rocka eta poesia" jardunaldien bigarren edizioari. Hain zuzen, Quimi Portet eta Ruper Ordorika kantautoreek eskaini zuten kontzertua, egun horretan, kultur aretoan. Ostegun honetan (hilak 15), berriz, Mikel Erentxunek (argazkian) eta Shuarmak emango diote bukaera zikloari. Kontzertuez gain, mahai-ingurua izango da gonbidatutako artistekin. Era berean, rockarekin erlazionatutako idazle, kazetari, zinemagile... ospetsuek ere hartuko dute parte. Hartara, ekitaldia 20:30ean izango da, Kultur Leioako auditoriumean. Sarrera 15 eurotan eros daiteke. Bestalde, ostiralerako, bluesjazz emanaldia prestatu dute, 22:00etarako, 6 euroren truke. Bertan joko dute Felix B. Amieva ceutarrak eta Mingo Balaguer andaluzak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun