Ibiladia neurtua bikoteka egiten da, bi ibilbide prestatu dituzte horretarako, txikitxoena bata eta nagusiena bestea. Lehenengoak 8 kilometro ditu eta bigarrenak 14 inguru: "Ibilbidea Berango ingurutik egiten dugu, gure elkartearen izenak dioenez ibilbideak gure herriko mugetatik dihoa (Berango, Getxo, Leioa, Erandio eta Sopela), gure eskualdeko herri hauen paisai zoragarriez gozatzeko". Ibilbidean zehar hiru kontrol izango dira, bertan bikoteen denborak hartuko dira, guztiek ibilaldi guztia betetzen dutela zihurtatzeko. Horietako batean, hamaiketakoa hartzeko parada izango da denbora geratuko delarik. Irteera eta helmuga Sei-Herri tabernaren patioan izango dira, Sabino Arana kalean.
Eguneko egitaraua:
- Izena ematea: Nagusiak, goizeko 8:30ean, eta txikiak 9etan, Sei-Herriko egoitzan.
- Irteera: Nagusiak, 9etan eta txikiak 9:30ean.
- Eguerdian: Txikitxoentzako jolasak eta tailerrak.
- Bazkaria frontoian (debalde partehartzaileentzat eta 5 eurotan nahi duen guztiarentzat). Txikiek ordu bietan bazkalduko dute eta nagusiak hirurak aldera.
- Bideo emanaldia txikitxoentzat kultur etxean, bazkaldu eta gero.
- Sari banaketa: Frontoian egingo dute arratsaldeko 6:30ak aldera. Ondoren, erromeria egongo da, Usain taldearen eskutik.
Zilar ezteiak ospatuko ditu igandean Sei-Herrik antolatzen duen ibilaldi neurtuak
2007ko aza. 13a, 19:58
Urteroko ohiturari eutsiz, udazkenarekin batera, ibilaldi neurtua deitu du Berangoko Sei-Herri kultur elkarteak. Igande honetan, azaroak 18, izango da Uribe Kosta zeharkatzen duen ibilaldia. Orain dela 25 urte, herriko gazte talde bat ibilaldia antolatzen hasi zen, "herria eta bere inguruak hobeto ezagutzeko eta euskara bultzatzeko asmoarekin", azaldu dute elkartekoek. "Aisialdiako ekintza bezala sortu zen, garai hartan mendira joateko ohitura puri-purian zegoen eta gure herrian halako zerbait egitea pentsatu zuten. Bigarren urtean, antolatzaieetako bat, 'Gomi' gaztea, ezbehar baten ondorioz hil egin zen eta, ordutik bere oroimenez antolatzen da urtero-urtero hutsik egin gabe", gaineratu dute. Argazkia: Uztarria.com.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun