Carbonilla mendilerroa eta La Peña mendia zeharkatuko dabez domekan Munarrikolandakoek

Sopelako Munarrikolanda mendi taldeak urteera barri bat antolatu dau azaroaren 18rako (domekan honetan). Oraingoan, Carbonilla mendilerroa eta La Peña mendiak (Burgos) zeharkatuko dabez. Autobusak goizeko 7etan urtengo dau, San Pedro elizaren aurrean dagoan geltokitik. Bazkideek 11 euro pagau beharko dabe eta gainerakoek 13 euro. Ibilbidea Santa Olaja herrixkan hasiko da eta Castro Grande (1086 metro), Diente del Ahorcado edo Pico del Fraile eta Tres Dedos (1167 metro) mendiak igoko dabez. Jaitsiera Losa Aranako Villabasil herrixkatik egingo dabe, Quincoces de Yuso hurrean. Ibilbide honen luzapena 7 ordukoa izango da eta bistaz gozatzeko, argazkiak atarateko edota bazkaltzeko geldialdiak egingo dabez. Interesatuek e-maila bialdu munarrikolandamt[abildua]vodafone.es helbidera edo deitu 696 731 662 telefono zenbakira eguenetan 20:00etatik 21:30ra. Argazkian, Munarrikolandako mendizaleek igaz Autzara (Nafarroa) egindako urteera.