Asteburu honetarako, pare bat ekitaldi izango dira Txorimalo gaztetxean. Gaur bertan, Euskal Herria eta intsumisioari buruzko hitzaldia izango dute bertara hurbildu nahi diren neska-mutilek. Bi intsumisok euren bizipenak kontatuko dituzte mahai-inguruan, "gazteek ezagutu ez duten errealitatea hurbiltzeko", euren hitzetan. Saioa 19:30ean hasiko da. Larunbatean, berriz, jaialdi horteroa egingo dute 22:00etatik aurrera, presoen alde. Joateko beharrezkoa da mozorrotuta egotea, Txorimalokoek argitu dutenez. Era berean, igandean, 19:00etatik aurrera filma bat proiektatuko dute, igandero bezala, nahiz eta oraindik filmaren izena eman ez duen. Azkenik, astelehenean, azaroak 19, dantzen tailerra edukiko dute gaztetxean bertan. Hori astelehenero egiteko asmoa dute, 20:00etatik aurrera. Argazkian, apirilaren 14an egindako grafitti tailerraren irudi bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun