XVIII. Musika Denboraldia jardunaldien harira, Ariel Rot (argazkian) Tequila eta Los Rodriguez taldeetako kide izandakoaren emanaldia izango da ostiral honetan, azaroak 23, 20:30ean, Kultur Leioaren auditoriuman. Sarrerek 18 euro balio dute. Rot eskola anglosaxoi onenaren eta erdarazko rock oinarrizkoenaren, hau da, 70eko hamarkadako rock argentinarraren, iragazkitik pasatutako musikaren uztarketa da. Tequila taldearekin entzuleria handien zirkuituan kokatu zen. Ondoren, Los Rodriguez taldearekin, zentzua, nortasuna eta konpromiso artistikoa itzuli zizkion rock espainiarrari, gero eta moldakorrago baitzegoen. Bakarkako ibilbidean, rock garaikideko diskoak egin ditu, oso konposizio, interpretazio eta soinu maila handikoak. Lan horiek aurrez aurre so egin ahal diote nazioarteko rock onenari. Musikaren munduan hogeita hamar urte egin ondoren, Ariel Rot bihotz eta arima dabil bere lanbidean, kontatu beharreko musika eta istorioak dituen eta behin eta berriro aurrekoa hobetu nahi duen sortzaile zintzo legez.
Bestalde, musika ziklo beraren baitan, Fussion Proyect taldeak joko du hilaren 30ean, Kultur Leioan. Musika estilo desberdinen mestizajea, oso desberdinak diren melodia eta erritmoen (hala nola, tango, jazz, swing, blues, bossanova...) bat-egitearen bitartez agertu eta desagertzen diren sentsazio eta emozioen mundua osatzen dute Fussion Proyect-eko kideek. Oso bertsio pertsonalak eskaintzen dituzte helbururik ez duen instrumentu-konbinazio ezohiko honetan. Bidaia bat denboran XVI eta XVII. mendeetara arte, hau da, Errenazimentuaren eta Barrokoaren arteko Urrezko Arora. Obra, melodia, erritmo eta harmonia aniztasun aberatsa. Beraien garaiko lanak, egungo musikekin uztartuta. Saioa 20:30ean izango da auditoriuman eta sarrerak 10 eurotan eros daitezke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun