Anonimotasunean jarraitzen duen PPren kideak ikasturte hasieratik hainbat eraso jazo dituela ekarri du gogora, garai horretan zabaldu baitzen ikasgeletan Leioako PPren hautagaia izan zela. Handik aurrera, eskolan irainak eta bultzakadak pairatu zituela salatu zuen orduan Ertzaintzari, baina egoerak berean jarraitu zuen, pasa den hilabetera arte, bere autoaren azpian lehergailua iruditu zitzaion herriz betetako zapata kutxa bat topatu zuenean.
Ertzaintzaren aurrean deklaratu ostean hautagai leioaztarrak Alderdi Popularraren hainbat kideren bisita izan zuen atzo, besteak beste, Antonio Basagoiti Bizkaiko popularren presidentea, Marisa Arrue Uribe Kostako arduraduna eta Xabier Olabarrieta Leioako zerrendaburu eta zinegotzia.
EHUko Leioa eta Erandioko campusean txanodun talde bat eraso egiten saiatu zela salatu zuen atzo bertako ikaslea den andra batek. Emakumea Leioako PPren zerrendan aurkeztu zen pasa den maiatzeko udal hauteskundeetan baina ez zen zinegotzi atera. PPko kideak Ertzaintzari jakinarazi zionez, dozena erdi bat pertsona hurbildu zitzaizkion atzo 19:30ak aldera campuseko parking-ean, aurpegiak estalita zituztela. Morroiek iraindu, eraso egin, bultzatu eta belarritakoak zein lepokoa kendu zizkioten andrari, honek bere autoan sartu eta atzera eginez ihes egitea lortu baino lehen. Erasoan, Lan Harremanak ikasten dituen 40 urteko emakumeari "espainiarra", "fatxa" eta "pepera" deitu eta ezer ikasi ez izana eta eskarmenturik hartu ez izana leporatu zioten, eta berak, ihesean, erasotzaileetariko bati autoz oina zapaldu zion, beti ere agentziek biktimaren esanetan jarri dutenaren arabera. Emakumeak ez zuen arreta medikoa behar izan eta hurrengo egunotan aurkeztuko du salaketa. Argazkian, Leioako PPren militanteak jazotakoa eta "bortxakeriazaleak EAEko kaleetan eroso sentitzen direla berriro ere" salatu du gaur Maria San Gilek / erabili.com.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun