Emakumeenganako indarkeriaren aurkako erakusketa paratu dute Sopelan
2007ko aza. 20a, 19:34
Emakumeen Aurkako Indarkeriaren Kontrako Nazioarteko Egunaren inguruan, erakusketa bat antolatu dute Sopelako Udalak eta Uribe Kostako Mankomunitateak. Irudi eta testuen bitartez, herritarrak gai honen inguruan kontzientzatzea eta sentsibilizatzea bilatzen dute, tokiko arduradunek adierazi dutenez. Erakusketa hilabetea bukatu arte egongo da ikusgai, udaletxe sopeloztarreko erakusketa aretoan. Astelehenetik igandera gainera, 10:00etatik 14:00etara, goizez, eta 16:00etatik 19:00etara, arratsaldez. Bestalde, Berdinsareak, Berdintasunaren alde eta Emakumeen aurkako Indarkeriaren kontrako Euskal Udalerrien Sareak antolatutako kanpainarekin bat egin du Sopelako udal web orrialdea (www.sopelana.net). Banner batek bitartez “Maitasuna ez da mando batez kontrolatu daitekeen jokoa. Txo! Kontrolatzen?" lelopeko kanpaina ezagutzeko aukera ematen du. Argazkian, erakusketa iragartzeko kartela.Horren bidez, 13 eta 18 urte bitarteko gazteak sentsibilizatu eta kontzientziatu nahi dituzte, "normalak diruditen egoerak emakumeen aurkako indarkeriazko jarreren abisu izan daitezkeelako batzuetan".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun