Kontseiluak dio euskarak EAE, Nafarroa eta Ipar Euskal Herriko 2008rako aurrekontuen %2a behar duela
2007ko aza. 21a, 16:56
Euskararen Gizarte erakundeen Kontseiluak 2008rako aurrekontuetan euskarak %2 behar duela adierazi du. Euskararen normalizazioan aurrera egiteko baliabideen hazkundea "ezinbestekoa" dela azaldu dute, eta aurreko bi urteetan EAEn eta Nafarroan egin duen eskaera luzatuko die Euskal Herriko instituzio guztiei. Hori dela eta, Kontseiluak Euskal Autonomia Erkidegoko (EAE), Ipar Euskal Herriko eta Nafarroako proposamenak aztertuko ditu euskarak behar dituen baliabideak kontuan izan daitezen. "Proposamenak aztertu ostean, euskarak behar duena azaldu eta eskatuko dugu", esan dute, eta horretarako, eremu bakoitzeko aurrekontu nagusia hartuko dute. Era berean, azterketa egiteko arlo guztien informazio gardena behar dela azpimarratu du Kontseiluak. "Euskararen sustapenerako zer nolako diru kopuruak aurreikusi diren argi azaldu behar da", nabarmendu dute erakundeko arduradunek. Bukatzeko, ostiralean EAEko aurrekontuen proposamenaren balorazioa publiko egingo dutela aurreratu dute. Argazkian, Xabier Mendiguren Kontseiluko idazkari nagusia.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun