Iker Beristain Gutierrez "Beris" algortarra (argazkian) uztailaren 3an atxilotu eta, hiru egun beranduago, Fleuryn (Frantzia) espetxeratu zuten. Uztailaren amaieran Le Vert epaileak aitaren bisitak izateko baimena eman zion, anaia eta neska laguna bisitak egiteko aukerarik gabe utzita ordea. "Orain, lau hilabete baino gehiago pasa ondoren, berdin jarraitzen du: aitaren bisitak bakarrik izan ditzake eta anaiak, neska lagunak edota lagunek ezin dute ikusi ere egin", salatu du Uribe Kostako Amnistiaren Aldeko Mugimenduak Etengabe bitakoraren bitartez jakinarazi duenez. Gutunak, ordea, bai, idatzi eta jaso ditzake. Hain zuzen ere, urriaren 17an Getxo eta Berangon atxilotutako sei gazteak espetxeratzeko autoan, Baltasar Garzon epaileak Lander Labajoren etxean Iker Beristainek Frantziatik bidalitako gutun bat aurkitu ziotela aipatzen du, espetxeratzeko argudioen artean, beti ere karta hori espetxetik bidali ziola aipatu gabe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun