Getxo Antzokirako proiektuan iragarritako aldaketak "herritarren kalterako" izan daitezkeela uste du EAEk

Getxoko Udalak Hirigintzako Antolaketarako Plangintza Orokorra (HAPO) aldatu nahi du, Getxo Antzokia dagoen Algortako gunean, antzoki berri bat eraiki ahal izateko. Hori dela eta, Eusko Abertzale Ekintzak zenbait alegazio (doc) aurkeztu ditu joan den azaroaren 15ean iragarri ziren aldaketak "algortarren eta getxoztarren kalterako" izan daitezkeelakoan. Laburki, hauek dira ekintzaleek eskatzen dituztenak: egin nahi den eraikina birdimentsionatu, eta oraingo plazak duen azalera mantentzea; San Nikolas plazan izango duen eraldaketa hobeto azaltzea; eta prozedura dela eta, proiektua jendaurrean azaldu eta galdapenak egiteko denbora luzatzea. Getxo Antzokiaren lanen barruan, San Nikolas plaza azpian aparkalekua egiteko asmoa dutela iragarri zuten udal agintariek hilaren hasieran. Argazkian, oraindik oraingoko Getxo Antzokia.