Joane Somarriba txirrindulari sopeloztarra omenduko du Bilboko Aste Olinpikoak
Arriaga antzotziko plazan bandera olinpikoa jasoaz emango diote hasiera astelenean, azaroak 26, arratsaldeko 6:30ean, Bilboko IX. Aste Olinpikoari. Joane Somarribaz gain, ekitaldian Iñaki Goirizelaia EHUko Bizkaiko campuseko errektoreordeak, Iñaki Azkuna Bilboko alkateak, Jon Sustatxa udal bilbotarreko Kirol zinegotziak eta Manuel Vitoria EHUko Hezkuntza Fisiko eta Kirol Medikuntzako katedradun eta jardunaldien koordinatzaileak parte hartuko dute. Banderaren igoeraren ondoren, Bilboko musika bandak himno olinpikoa joko du. Ondoren, 19:30ean, Bidebarrieta kulturgunean, Manu Vitoria eta Joane Somarribak hizketaldia edukiko dute, txirrindulariaren sopeloztarraren jarduera profesionalari buruz. Izan ere, Frantziako Tourra hiru aldiz, Italiako Giroa birritan, Munduko erloju kontrako proba (argazkian) eta beste hamaika lehiaketa irabazi ditu eskualdeko kirolari ospetsuak.
Astean zehar egingo diren mintzaldietan kirolari dagozkio zenbait arlo aztertuko dira: horien artean, emakumeen hockey-a (Espainiako lehenengo urrezko domina kolektiboa, Bartzelona’92), emakume bizkaitarrak eta kirola, 2016ko Olinpiadak antolatzeko Madrilgo erronka, emakumea kirol-errendimendu handian, Coubertin XXI. Mendean edo Espainako kirola eta Beijingo 2008ko Olinpiadak besteak beste. Bilboko Aste Olinpikoko mintzaldietara edonor joan daiteke, eta EHUko ikasleek ekintza horietan parte hartzeagatik aukera libreko kredituak lor ditzake, inskripzioa bete ostean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun