Provida Animal elkarteak Leioako auzokide bat salatu du, bere balkoian, irten gabe, bi txakur izan dituelako zortzi hilabetez. Animalien babeserako salaketaren ondorioz, Ertzaintzak espedientea zabaldu dio abereen jabeari eta Provida Animalek txakurrak bere zaintzapean uztea eskatu du, adopzioan eman arte. Elkarteak zabaldu duenez, txakurrak beren gorotzen artean bizi izan dira zortzi hilabeteetan balkoian bertan, inoiz atera gabe. Gainera, jabeak lotu egin zituela salatu dute. Txakur bat "villano" arrazakoa da eta, bestea, tamaina beretsuko txakur iletsua. Provida Animal elkarteari abisua eman zion auzokidearen hitzetan, txakurrek "etengabe zaunka egiten zuten eta kalera ez ziren sekula ateratzen". Horrela, auzokideen batzarrera eraman zuen gaia, baina txakurren jabeak mehatxatu egin ziola esan du auzokideak. Gainera, trastelekuan untxiak haztea leporatu dio. Argazkian, "villano" motako txakur bat, Leioako aferarekin loturarik ez duena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun